كل سنه وانتم طيبيين يا مسيحييييين :))))

انا خرجت من البيت عادى بعد ما قعدت طول الليل أهنىء المسحيين اللى أعرفهم بأعيادهم ولو انى مش أكدب عليكم مش أعرفها ايه ؟؟؟ بس  قلتلهم كل سنه وانتم طيبين وخرجت من البيت عادى وراكب السرفيس عادى وفجأة واحنا معديين من قدام الكنائس لقيت أعداد من رجال الشرطة والقيادات قدام الكنائس بطريقة غير عادية وقلت كويس انهم يأمنوهم بس بعدها كنت هأعيط والله لما دخول المصرى لدار العبادة  اللى تخصه يكون تحت حراسه مشدده وانه متعرض فى اى لحظه واحد مجنون يأذيه ده اسمه ايه ؟؟لما دار العبادة تتأمن ولا كأنها مؤسسه عسكرية وفى نفس الوقت الناس اللى بتتهجم ع المسحيين عارفين ان ممكن بعد كام شارع يلاقوا ملاهى ليلية ولا يلاقوا محلات بيع خمور وممكن تلاقيه ساكن فى عماره وفيها شقه الناس اللى فيها بيمارسوا دعارة وهو عارف وساكت ده يبقى اسمه ايه؟؟؟ لما المواطن المصرى مش قادر يحترم المواطن الأخر ده يبقى اسمه ايه ؟؟؟ وبعدها جه فى بالى لو انا دخلت الجامع ولقيت الجامع عليه حراسات أمنية بالطريقه دى هل أاقدر اكون مع ربنا وأصلي بهدوء وسكينه بجد هل هأقدر أعبد ربنا احنا ناقصنا حاجه مهمه احنا ناقصنا يكون عندنا مجتمع ويوصول لعقولنا معنى كلمة وطن ويتصحح لكتير مننا مفاهيم غلط فاهمها عن دينه وزى ما فيه مسلميين متشددين فيه أقباط متشددين من كاماسبوع قريت خبر الحكم على مواطن امريكى بالسجن 20 عام بتهمه الاعتداء على مسجد الجانى اتعاقب والمجتمع عرف ان ده فعل غلط  بس مش قعد يقول فيه فتنه لازم نصفى نوايانا الأول وقلوبنا لبعض ونعيش علشان نبنى بلدنا ومستقبلنا أنا قلت الكلام اللى جه فى بالى واللى حسيته جايز يكون صح وجايز يكون غلط مش عارف 

بئس المجتمع مجتمع يكون دخول ملهى ليلى فيه أسهل وأأمن من دخول دار عبادة