لماذا نخاف من التشييع ؟؟؟؟

ليه الوطن العربى دون عن بقية دول العالم فيه صراعات سياسية وصراعات دينية وصراعات مذهبية ؟؟؟؟

كلمتين واقفين فى زورى قولت اقولهم !!!

مش تستغرب منهم ااقراهم وفكر معايا جايز انا غلط جايز انى حمار ومش بفهم 

احنا دلوقتى عندنا سنه وشيعة تمام 

وكمان عندنا سلفيين وبهائيين ووهابيين والمتصوفيين 

وبسم الله ما شاء الله كل واحد شايف ان الباقيين حرفوا الاسلام ودمروا أساسيات العقيدة 

وفيه حرووووووووووووووووب فكرية ما بينهم 

ووصل الأمر انهم بيكفروا بعض وعادى جدا 

طب لييييييييييه لما بنروح نحج 

أيوا أيوا الحج اللى فى مكة ده 

يا سيدى آآه اللى الناس بتطوف فيه حاوليين الكعبة ده 

ليه بقى مش بقدر اعرف السنى من الشيعى؟؟؟؟

ليه مش بقدر أفرق ما بين السلفى و الاخوانى والصوفى والبهائى والوهابى 

؟؟؟

ليييييييييييييييييييييه يا مسلمييين ؟؟؟؟

طب ليه السلفيين خايفين من الشيعة انهم يجوا مصر ؟؟؟

مهو انتوا لو وفرتوا الوقت اللى بتضيعوه فى خلافات سياسية وجدل عقيم 
وبدأتوا تعلموا الناس وتنشروا ما بينهم المعرفه وأصول الدين الصحيحة 
وربتوهم على حب الصحابة  والسلف الصالح اللى احنا بنحبهم وبنحترهم من غير ما نكون سلفيين والحمد لله
هتطمنوا وتحطوا فى بطنكم بطيخه صيفى كمان 

ااقضوا وقتكم فى انكم تعلموا الناس وتعرفوهم وتشحنوا قلوبهم  بحب ربنا وحب الرسول والصحابة وتعرفهم صحيح دينهم بدل ما انتم طالعين فى قنواتكم وفى المنابر وفى كل مكان تصرخوا وتشحنوا المسلميين على كراهيه مسلميين 

الأمر مش بيتوقف عند كدا احنا كمسلميين يستحيل نتحمل ان حد يشتم حد من الصحابة أو زوجات الرسول طيب ليه بقى ناس تشتم المسحيين ورموز المسحيين 

مجتمع كل فرد فيه مش بيحترم الآخريين وكله بينال من معتقدات الآخريين مجتمع لن يعرف السلم الاجتماعى وستكون شوارعه بحور من الدم 

الكلام مش لينا احنا كمصريين الكلام لينا احنا الكل كعرب 

وأنا بتمنى ان يبقى فيه قانون يجرم اهانه العقائد والرموز الدينية سواء رموز المسلميين أو المسيحيين قانون يمشى ع الكل واللى يخالفه لا يلوم اللى نفسه قانون يكون صارم ورادع للجميع

فوقوووووووووووووا بقى احنا دول عالم ثالث فووووووووقوا 

.

.

.

.

.

وائل ابراهيم